13 farþegar sem komu til Amsterdam frá Suður-Afríku með tveimur flugvélum á föstudag hafa greinst með Ómíkron-afbrigði kórónuveirunnar. BBC greinir frá.
13 farþegar sem komu til Amsterdam frá Suður-Afríku með tveimur flugvélum á föstudag hafa greinst með Ómíkron-afbrigði kórónuveirunnar. BBC greinir frá.
13 farþegar sem komu til Amsterdam frá Suður-Afríku með tveimur flugvélum á föstudag hafa greinst með Ómíkron-afbrigði kórónuveirunnar. BBC greinir frá.
Alls greindust 61 farþegi vélanna tveggja með veiruna og hefur nú komið í ljós eftir rannsókn að 13 þeirra séu með Ómíkron-afbrigðið. Tilkynnt var um fyrsta tilfelli afbrigðisins í Suður-Afríku á miðvikudag.
Farþegarnir sem greindust jákvæðir hafa sætt sóttkví á hóteli nærri Schiphol-flugvellinum í Amsterdam.
Aðgerðir hafa verið hertar í Hollandi í ljósi metfjölda kórónuveirusmita og vegna áhyggna af þessu nýja afbrigði. Öllum viðburðahúsum, kaffihúsum, veitingastöðum og kvikmyndahúsum verður að loka klukkan fimm á daginn og einungis fjórir mega koma saman í heimahúsi.
Ómíkrón-afbrigðið hefur greinst í fleiri löndum Evrópu. Meðal annars í Þýskalandi, Bretlandi og á Ítalíu.
Fjöldi landa hefur nú bannað ferðalög til og frá Suður-Afríku og nágrannalöndum til að sporna við dreifingu afbrigðisins.