23 sjúklingar liggja nú á Landspítala vegna Covid-19 en meðalaldur hópsins er 63 ár. Fjórir af þessum 23 eru á gjörgæslu og þrír af þeim sem eru á gjörgæslu í öndunarvél.  

Þetta kemur fram á vef Landspítala.

22 lágu á Landspítala í gær og hefur þeim sem þar liggja því fjölgað um einn. 

1.661 sjúklingur, þar af 481 barn, er í eftirliti Covid-göngudeildar spítalans.

Landspítali er á hættustigii en það er þegar orðinn atburður kallar á að starfað sé eftir viðbragðsáætlun. Aukið og breytt álag er á fjölmargar starfseiningar. Þetta getur falið í sér bæði breytta starfsemi og tilflutning á verkefnum og starfsfólki.