Halda sig heima þrátt fyrir fá smit

Kórónuveiran COVID-19 | 9. maí 2022

Halda sig heima þrátt fyrir fá smit

Þrátt fyrir að einungis 49 kórónuveirusmit hafi greinst í Peking, höfuðborg Kína, í dag hafa stjórnvöld mælst til þess að íbúar í Chaoyang hverfi, fjölmennasta hverfi borgarinnar, haldi sig heima. Milljónir fylgdu þeim fyrirmælum í morgun og var svæðið, sem gjarnan er afar líflegt, því tómlegt. 

Halda sig heima þrátt fyrir fá smit

Kórónuveiran COVID-19 | 9. maí 2022

Öryggisverðir ganga meðfram götu í Peking.
Öryggisverðir ganga meðfram götu í Peking. AFP

Þrátt fyrir að einungis 49 kórónuveirusmit hafi greinst í Peking, höfuðborg Kína, í dag hafa stjórnvöld mælst til þess að íbúar í Chaoyang hverfi, fjölmennasta hverfi borgarinnar, haldi sig heima. Milljónir fylgdu þeim fyrirmælum í morgun og var svæðið, sem gjarnan er afar líflegt, því tómlegt. 

Þrátt fyrir að einungis 49 kórónuveirusmit hafi greinst í Peking, höfuðborg Kína, í dag hafa stjórnvöld mælst til þess að íbúar í Chaoyang hverfi, fjölmennasta hverfi borgarinnar, haldi sig heima. Milljónir fylgdu þeim fyrirmælum í morgun og var svæðið, sem gjarnan er afar líflegt, því tómlegt. 

Smitbylgja gengur nú yfir Kína og hefur hún leikið Sjanghæ sérstaklega illa en þar eru harðar sóttvarnatakmarkanir í gildi. Þeim hefur verið mótmælt en í þessari bylgju Ómíkron-smita hafa 500 látist í borginni, samkvæmt opinberum gögnum.

Í Peking voru neðanjarðarlestarstöðvar tómar á álagstímanum í morgun, rétt eins og flestar skrifstofubyggingar en mælst er til þess að fólk haldi sig heima ef það sinnir ekki framlínustörfum. 

Bannað að panta ónauðsynlegar vörur

Hundruð smita hafa greinst í Peking á síðustu vikum. Þó smitfjöldinn sé tiltölulega lágur er hann nægur til þess að stjórnvöld hafi ákveðið að grípa til takmarkana. Er stefnan í Kína enn að halda smitum í algjöru lágmarki á meðan stefnunni hefur verið breytt víða annars staðar, til dæmis hér á Íslandi þar sem stjórnvöld hafa svo gott sem hætt að líta til smitfjöldans og aflétt öllum sóttvarnatakmörkunum.

Í Sjanghæ er staðan öllu verri en í Peking. Þar hefur útgöngubann verið sett á víða. Hefur íbúum verið skipað að fara ekki út fyrir hússins dyr nema vegna kórónuveirusýnatöku næstu vikuna og hefur þeim sömuleiðis verið bannað að panta „ónauðsynlegar“ heimsendingar.

mbl.is