Jón Gunnarsson dómsmálarðaherra leggur til að ákvæði skaðabótalaga um örorkumat verði endurskoðað með það fyrir stafni að settar verði skýrari reglur um örorkumöt og hlutverk örorkunefndar og skapa traust um mat á varanlegum afleiðingum líkamstjóns öllum til hagsbóta almennings en ekki síst tjónþola. Þessi áform hafa verið lögð fram í samráðsgátt stjórnvalda.

Snýr vinnan að því að styrkja það regluumhverfi sem örorkunefnd starfar í þannig að nefndin geti sinnt, innan hæfilegs tíma, mati á varanlegum afleiðingum líkamstjóns samkvæmt skaðabótalögum.

Auk þess er stefnt að því að örorkunefnd geti einnig sinnt mati á varanlegri læknisfræðilegri örorku samkvæmt slysatryggingum vátryggingafélaga og slysatryggingum ríkis og sveitarfélaga vegna starfsmanna þeirra, sem og að örkorkunefnd verði heimilt að sinna mati á varanlegri örorku fyrir lífeyrissjóði eftir þeim reglum sem um það gilda og slysatryggingum á almannatryggingum.

Framangreind endurskoðun er framhald af endurskoðun sem gerð var á árinu 2018 og lögð var fram í frumvarpi og lagt fram á Alþingi það ári en hlaut ekki brautgengi það árið sökum þess að endurskoðunin þætti ófullnægjandi.