Greidd verða atkvæði á breska þinginu í dag vegna vantrauststillögu á hendur forsætisráðherranum Boris Johnson.

Talsmaður Downingstrætis sagði atkvæðagreiðsluna vera tækifæri „til að draga línuna og halda áfram“.

Frétt af mbl.is

Verði að bera ábyrgð á „Partygate-menningunni“

„Forsætisráðherrann fagnar tækifærinu til að gera grein fyrir máli sínu gagnvart þingmönnum og mun hann minna þá á að þegar þeir eru sameinaðir og einbeittir á málefnin sem skipta kjósendurna máli þá verður stjórnmálaaflið ekki sterkara,“ sagði talsmaðurinn, skömmu eftir að tilkynnt var um atkvæðagreiðsluna.

54 þingmenn úr flokki Johnsons, Íhaldsflokkinum, standa á bak við atkvæðagreiðsluna í kjölfar hneykslismála í tengslum við veisluhöld í Downingstræti á meðan strangar sóttvarnareglur voru í gangi vegna kórónuveirunnar.

Atkvæðagreiðslan verður haldin á milli klukkan 17 og 19 í dag.