Leikarinn Ryan Gosling þótti sérstaklega sumarlegur á frumsýningu myndarinnar The Gray Man. Hann var í myntugrænum jakkafötum sem þóttu skemmtileg og öðruvísi.

The Gray Man er ný kvikmynd úr smiðju Netflix-sjónvarpsveitunnar og er hún sögð dýrasta kvikmynd Netflix til þessa. 

Gosling sem er 41 árs segist leggja mikið á sig þegar hann er að búa sig undir kvikmynd. Hann fer í ræktina tvisvar á dag, á morgnana og á kvöldin og borðar hollan mat. Oftast verður fiskur, grænmeti, hrísgrjón og próteinhristingar fyrir valinu. 

„Vöðvarnir eru eins og gæludýr. Maður verður að hugsa um þá annars fara þeir.“

Gosling þótti afar sumarlegur. AFP

Mótleikkona Gosling, Ana de Armas, var í flottum kjól frá Louis Vuitton. AFP

Alfre Woodard var í einföldum hvítum sumarkjól en gylltu sandalarnir gerðu hann sparilegri. AFP

Breski leikarinn Rege-Jean Page þótti mjög stílhreinn og smart í dökkbláum jakkafötum og strigaskóm. AFP

Billy Bob Thornton mætti líka á frumsýninguna en var ekki alveg jafn vel til hafður og hinir. AFP

Simone Ashley sem þekktust er fyrir leik sinn í þáttunum Bridgerton vakti athygli í svörtum kjól. AFP