Varnarmálaráðuneyti Úkraínu segir að hersveitir landsins séu komnar inn fyrir bæjarmörk Líman í Dónetsk-héraðinu í austurhluta Úkraínu. Bærinn hefur verið á valdi Rússa frá því í maí, eða skömmu eftir að stríðið hófst í febrúar.
Varnarmálaráðuneyti Úkraínu segir að hersveitir landsins séu komnar inn fyrir bæjarmörk Líman í Dónetsk-héraðinu í austurhluta Úkraínu. Bærinn hefur verið á valdi Rússa frá því í maí, eða skömmu eftir að stríðið hófst í febrúar.
Varnarmálaráðuneyti Úkraínu segir að hersveitir landsins séu komnar inn fyrir bæjarmörk Líman í Dónetsk-héraðinu í austurhluta Úkraínu. Bærinn hefur verið á valdi Rússa frá því í maí, eða skömmu eftir að stríðið hófst í febrúar.
Fyrr í dag var greint frá því að úkraínski herinn væri búinn að umkringja þúsundir rússneskra hermanna í Líman.
Samkvæmt upplýsingum frá varnarmálaráðuneyti Rússlands hafa rússneskir hermenn hörfað burt.
„Við erum komnir inn í Líman, en það eru bardagar,“ sagði Serhí Tjerevatí, talsmaður úkraínsku hersveitanna í austurhluta landsins.
Á myndskeiði sem hefur verið birt á Twitter sjást tveir úkraínskir hermenn líma fána Úkraínu við skilti við bæjarmörk Líman sem býður fólk velkomið.
Vladimír Pútín Rússlandsforseti undirritaði í gær innlimun Dónetsk-héraðsins í Rússland. Alþjóðasamfélagið hefur fordæmt innlimunina og sagt hana ólöglega. Ef Úkraínumenn ná Líman undan valdi Rússa yrði það mikið högg fyrir stríðsrekstur Pútíns.