„Ég sef með öðrum körlum bara fyrir spennuna. Þetta er ákveðinn innspýting í annars mjög venjulega tilveru mína. Ég vil aldrei fara frá eiginmanninum, en tilhugsunin um að sofa aðeins hjá honum allt mitt líf gerir mig þunglynda.“
„Ég nýt mjög kynlífsins með eiginmanninum. Við elskumst flestar vikur og erum náin, andlega og líkamlega.“
„Jafnvel þótt hjónabandið væri án kynlífs þá væri þetta samt ekki honum að kenna. Þetta er mín ákvörðun sem ég tók þrátt fyrir að vita að ef hann kæmist að þessu myndi það nísta hjarta hans inn að beini.“
Alltaf verið að góla á sig
Konan bendir á að það að verða eiginkona og móðir breytir um leið samskiptum við makann.
„Heima er alltaf verið að góla á mig af mikilli neyð. Oftast er það eiginmaðurinn sem finnur ekki hinn sokkinn. Annars er það unglingurinn sem þarf skutl í bæinn eftir að hafa misst af strætó.“
Konan hefur átta sinnum haldið framhjá og í fjögur skipti voru þetta sambönd sem stóðu yfir í nokkra mánuði í senn. Fyrsta framhjáhaldið var þegar dóttirin var fjögurra ára.
Menn gáfu henni gaum í ræktinni
„Ég hafði ákveðið að setja mig í fyrsta sæti og hlúa betur að mér. Ég fór mikið í ræktina og þar tók ég eftir því að karlmenn voru að veita mér eftirtekt. Smátt fór ég að dagdreyma um þá. Stuttu síðar stakk einn upp á að við færum saman í drykk.“
„Það kom mér á óvart hversu auðvelt það var fyrir mig að segja já. Ég hugsaði aldrei um eiginmanninn. Þetta var algjörlega aðskilið mínu hefðbundna lífi. Og ég vildi meira.“
„Mér leið ungri aftur. Ég hafði verið svo föst í heimilishaldinu að ég var búin að gleyma hversu spennandi lífið gæti verið.“
„Í hvert sinn segi ég að þetta sé síðasta skipti sem ég held framhjá. En það er aldrei svo.“