Hefðarkettir á leið til Tenerife eiga nú kost á því að leigja sér lúxusvillur sem eru hluti af fimm stjörnu hótelinu Los Jardines de Abama í Guia de Isora. Þannig geta gestir notið þess að vera í friði fyrir öðrum gestum hótelsins á sama tíma og þeir njóta þjónustunnar sem fylgir því að vera á fimm stjörnu hóteli. 

Aukin eftirspurn hefur verið eftir fimm stjörnu hótelum og lúxusgistingu á Tenerife undanfarin misseri að því er fram kemur í umfjöllun Canarian Weekly um hótelið. 

Nýja villuhótelið heitir Las Villas del Tenis og er á vesturhluta eyjunnar, steinsnar frá Abama-golfvellinum. Tvö til þrjú svefnherbergi eru í villunum. Við hverja íbúð er einkasundlaug og einkastæði fyrir utan.