Það var nóg um að vera í Hollywood í liðinni viku þar sem skærustu stjörnurnar mættu í sínu fínasta pússi á viðburði vítt og breitt um Los Angeles í Kaliforníu. 

Á föstudaginn fóru fram hin þrettándu Governors-verðlaun í Los Angeles, og á sunnudaginn var stjörnum prýddur rauður dregill þegar hin árlegu amerísku tónlistarverðlaun voru afhent.

Það var mikið um glit og glamúr á rauðu dreglunum, enda má segja að lok nóvember marki upphaf jólastemningarinnar. Það er óhætt að segja að stjörnurnar séu að komast í hátíðargírinn, en Smartland tók saman best klæddu stjörnurnar sem stálu senunni í vikunni.