Starfsgreinasambandið (SGS), VR og LÍV (Landssamband íslenskra verslunarmanna) munu funda áfram með Samtökum atvinnulífsins klukkan tíu í fyrramálið, þrátt fyrir titring í kjölfar stýrivaxtahækkunar Seðlabankans sem boðuð var í dag. 

Hækkunin, sem nemur 0,25 prósentustigum, fór „gríðarlega illa“ í samningamenn verkalýðshreyfingarinnar, en forseti ASÍ sagði í samtali við mbl.is í dag að ákvörðunin gerði viðræðurnar erfiðari.

Frétt af mbl.is

Sakar SÍ um skemmdarverkastarfsemi

Frétt af mbl.is

Fjármagnseigendur þeir einu sem hagnast

SGS og VR funda nú með baklandinu 

Samninganefnd SGS fundar þessa stundina með formönnum aðildarfélaganna um allt land, og verður rædd sú staða sem upp er komin. Samninganefnd og forysta VR og LÍV ætluðu líka að funda um málið með sínu baklandi.

Frétt af mbl.is

Vextir hækkaðir um 0,25 prósentustig

Þá kom samninganefnd samflots iðaðar- og tæknimanna til sáttafundar hjá Ríkissáttasemjara klukkan 15 í dag.