Kínverskar öryggissveitir handtóku mótmælendur í borginni Sjanghæ í morgun, en mikil mótmæli hafa staðið yfir víðs vegar um landið að undanförnu.

Frétt af mbl.is

Kalla eftir því að forsetinn víki

AFP-fréttastofan varð vitni að því þegar lögregla handtók þrjá mótmælendur í Sjanghæ.

Ströngum takmörkunum stjórnvalda vegna kórónuveirunnar hefur verið mótmælt, auk þess sem krafist hefur verið aukins pólitísks frelsis. Sumir hafa krafist afsagnar Xi Jinping, forseta Kína, sem nýlega tryggði sér sitt þriðja kjörtímabil sem leiðtogi landsins.

Fjöldi fólks safnaðist saman í höfuðborginni Peking í gær og í Sjanghæ þar sem lögreglan lenti í átökum við mótmælendur.