Bandaríski tónlistarmaðurinn John Mayer segist ekki lengur fara á stefnumót eftir að hann hætti að drekka. Mayer er búinn að vera edrú í sex ár og segist ekki geta farið á stefnumót nema fá sér „hugrekki í fljótandi formi“.

„Ég fer eiginlega ekki á stefnumót. Ég held það hafi með það að gera, svo ég sé heiðarlegur. Ég hætti að drekka fyrir sex árum, þannig að ég hef ekki þetta hugrekki í fljótandi formi. Ég hef bara þurrt hugrekki,“ sagði Mayer í viðtali við Alex Cooper í hlaðvarpinu Call Her Daddy. 

Mayer hætti að drekka eftir þrítugsafmæli kanadíska rapparans Drakes, þar sem hann var þunnur í sex daga eftir partíið. Þannig hefur hann ekki drukkið síðan 23. október 2016.