Snyrtibuddan | 31. desember 2022
Snyrtivörur ársins 2022!
Fólkið í landinu bíður alltaf spennt eftir listanum yfir snyrtivörur ársins. Í ár köfuðu sérfræðingar Smartlands á förðunarsviðinu djúpt ofan í hyldýpi fegurðar og þokka og var niðurstaðan að þessar vörur væru framúrskarandi.
Snyrtivörur ársins 2022!
Snyrtibuddan | 31. desember 2022
Setja bókamerki
Fólkið í landinu bíður alltaf spennt eftir listanum yfir snyrtivörur ársins. Í ár köfuðu sérfræðingar Smartlands á förðunarsviðinu djúpt ofan í hyldýpi fegurðar og þokka og var niðurstaðan að þessar vörur væru framúrskarandi.
Fólkið í landinu bíður alltaf spennt eftir listanum yfir snyrtivörur ársins. Í ár köfuðu sérfræðingar Smartlands á förðunarsviðinu djúpt ofan í hyldýpi fegurðar og þokka og var niðurstaðan að þessar vörur væru framúrskarandi.
Förðun
Farði ársins!
Parude Gold Skin Matte frá Guerlain
Leitin að hinum fullkomna farða getur verið grýtt. Sérfræðingar Smartlands voru sammála um að þessi farði frá Guerlain væri framúrskarandi. Hann þekur vel húðina og það er auðvelt að bera hann á andlitið. Auðvitað má nota fingurnar til þess að setja hann á andlitið en sérfræðingar mæla þó alltaf með því að nota förðunarbursta. Farðinn endist í 24 klukkutíma sem hentar vel fyrir önnum kafnar smartlandskonur sem hafa ekki tíma til að vera alltaf að líta í spegil.
CC krem ársins!
CC+Nude Glow frá It Cosmetics
Það getur verið flókið að finna hið hárrétta CC krem en þau henta fólki sem vill ekki vera með of þétta áferð. Sérfræðingar voru sammála um að endurbætta útgáfan af CC kreminu frá IT Cosmteics væri sigurvegari ársins. Upphaflega útgáfan kom á markað 2013 og hefur selst í bílförmum síðan þá. SlagorðCC-kremsins, sem í raun er farði með 50SPF, er „Eins og húðin þín – bara betri“ og það er einfaldlega sannleikurinn. IT Cosmetics kom með látum inn á íslenskan snyrtivörumarkað á síðasta ári og hefur CC-kremið sannarlega farið vel í þjóðina.
Farðagrunnur ársins:
Photo Finish Smooth & Blur Primer frá Smashbox
Fólk sem notar ekki farðagrunn hefur ekki lifað til fulls. Þótt farðagrunnur henti auðvitað fyrir allan aldurshóp þá er það þannig að eftir því sem húðin eldist því mikilvægari verður notkun á farðagrunn. Þessi farðagrunnur er glær og er svolítið eins og glær filma sem sett er á andlitið áður en farðinn er borinn á. Hann felur fínar línur og svitaholur og gerir áferðina á farðanum miklu fallegri. Sérfræðingar voru sammála um að þessi farðagrunnur væri framúrskarandi.
Maskari ársins:
Lash Lengthener 38° frá Sensai
Þykk og löng augnhár eru móðins um þessar mundir. Einhverjir fara þá leið að vera með gerviaugnhár en fyrir þá sem vilja bara gamla góða maskarann þá er Lash Lengthener frá Sensai afar góður. Burstinn er lítill og nettur og auðvelt er að móta augnhárin með honum og byggja augnhárin upp. Hann lengir og þykkir augnhárin án þess að liturinn smitist upp á augnlokið. Það er vegna þess að það er ekki hægt að þrífa hann af nema með heitu vatni. Hann rennur af í sturtunni og það þarf ekki einu sinni sápu.
Augnskuggapalletta ársins:
Ombres G 940 Royal Jungle frá Guerlain
Þessi litapalletta státar af fjórum guðdómlegum litum sem henta fyrir allar húðgerðir og öll kyn. Hægt er að skyggja augnlokið á dramatískan hátt með því að nota dekksta litinn sem er svarbrúnn. Rústrauði liturinn er fallegur einn og sér ef fólk vill fá örlítið meira svip og svo koma hinir tveir litirnir eins og kallaðir. Annar perlulitaður sem fer við ljós augu og svo þessi gyllti sem kallar fram töfrandi augnaráð.
Púður ársins:
Ever Bronze Compact Powder frá Clarins
Þetta púður er tvískipt og kemur í tveimur litum. Það sem er sniðugt við þetta púður, fyrir utan að það gefur fallega áferð, er að það er hægt að nota það í allskonar förðunarmix. Það er til dæmis mjög fallegt að nota ljósari litinn sem augnskugga og nota svo báða litina til að skyggja andlitið á áreynslulausan hátt.
Ljómavara ársins:
Wonder Stick Highlight & Contour frá NYX
Eitt heitasta förðunartrix ársins var að skyggja andlitið með stifti. Með því að nota stifti, ekki púður, fæst örlítið öðruvísi áferð. Það er líka auðveldara að láta litina rata á nákvæmlega rétta staði þótt fólk sé ekki með menntun í förðunarfræðum.
Hyljari ársins:
Teint Idole Ultra Wear All Over Concealer frá Lancome
Þessi hyljari sló í gegn á árinu. Hann er ekki bara til þess að fríska upp á augnsvæðið heldur má setja hann á allt andlitið og nota sem farða. Það getur líka verið gott að skyggja andlitið með honum með frábærum árangri.
Varalitur ársins:
Matte Lipstick Hug Me frá MAC
Árið 2022 voru ljósir litir í anda Pamelu Anderson vinsælir. Þegar kemur að ljósum varalitum þá eru fáir varalitir sem jafnast á við þennan varalit frá MAC. Til þess að ná Pamelu Anderson útlitinu upp á tíu þótti og þykir smart að vera með örlítið dekkri varalitablýant og hafa þennan ljósari inni í.
Gloss ársins:
Lifter Gloss frá Maybelline
Þessi gloss voru mjög vinsæl á árinu sem er að líða. Þau koma í 15 litum og gefa fallega áferð án þess að vera of klístruð.
Augabrúnavara ársins:
Brow Lift Lamination Gel frá Gosh
Augabrúnagelið frá Gosh kom sá og sigraði á þessu ári. Varan er án efa besta varan til að gera augabrúnirnar nákvæmlega eins og þú vilt hafa þær. Gelið er mjög endingargott og þolir sveittustu æfingar og einnig sjósund. Til er bæði litlaust og með lit fyrir þær sem það kjósa. Undir loki á skaftinu er frábær greiða til að greiða í gegn þegar varan er komin í brúnirnar.
Augnblýantur ársins:
Waterproof Eye Pencil 04 fig frá Clarins
Þetta er einn af bestu vatnsheldu augnblýöntunum á markaðnum í dag. Þessi litur gefur augnkróknum fallegt yfirbragð og mikinn svip án þess fólki líði eins og það sé allt of mikið farðað. Það er auðvelt að setja hann inn í vatnslínu augans án þess að hann fari út um allt.
Naglalakk ársins:
Le Top Coat 347 frá Chanel
Eitt af þeim naglalökkum sem slógu í gegn á árinu var glæra gulllakkið frá franska tískuhúsinu Chanel. Það passaði vel fyrir þá sem vildu örlítið meira glit inn í tilveruna og líka fyrir þá sem vildu setja það yfir dekkri naglalökk.
Húðumhirða
Andlitshreinsir ársins:
Advanced Night Micro Cleansing Foam frá Estée Lauder
Andlitskrem ársins:
BL+the cream frá Bláa lóninu
Íslensku húðvörurnar frá Bláa lóninu eru löngu búnar að sanna sig. Á árinu kom út nýtt andlitskrem á markað en það er sérhannað til þess að næra húðina og gefa henni raka. Kremið inniheldur BL+COMPLEX sem bætir kollagenbirgðir húðarinnar og styrkir náttúrulegt varnarlag hennar.
Augnvara ársins:
EGF Eye Serum frá Bioeffect
Endurnærandi augnserum sem vinnur gegn hrukkum og fínum línum auk þess að draga úr þrota umhverfis augun. Inniheldur aukið magn EGF prótína úr byggi til að tryggja hámarksáhrif. BIOEFFECT EGF úr byggi er endurnærandi og rakabindandi prótín sem örvar náttúrulega kollagenframleiðslu og viðheldur sléttri og heilbrigði ásýnd húðarinnar.
Húdropar ársins:
Double Serum frá Clarins
Þessir dropar fara með húðina upp á næsta stig. Þeir gefa húðinni þann raka sem hún þarf og gerir það að verkum að áferðin á farðanum verður betri.
Andlitsmaski ársins:
Age Refill Summum Mask frá Guinot
Þetta er maskinn sem gott er að hafa á náttborðinu og bera hann á sig þegar búið að er bursta tennur og þrífa andlitið vel. Þetta er næturmaski sem vinnur að frísklegra útliti meðan fólk sefur.
Sólarvörn ársins:
Sheer Physical Protection SPF 50 frá Neostrata
Þessi sólarvörn hentar fyrir allar húðgerðir og er með SPF 50 og ekki síst fyrir þá sem eru með viðkvæma húð. Þessi vörn er með örlitlum lit sem gefur húðinni fallega áferð. Eitt af því sem fólk ætti að gera ef því er annt um andlitið á sér er að bera á sig sólarvörn á hverjum einasta degi. Líka í skammdeginu á Íslandi. Húðlæknar heimsins mæla með því.
Líkamsolía ársins:
Volcanic Glow líkamsolía frá Angan Skincare
Þessi olía mýkir upp húðina og lætur hana ilma guðdómlega. Það er gott að bera þessa olíu á sig eftir sund, ræktina eða bara upp úr þurru heima hjá sér og gott að nudda húðina upp úr henni.
Líkamssápa ársins:
Líkamssápan frá íslenska húðvörumerkinu ChitoCare vann til verðlauna erlendis á árinu sem er að líða fyrir eiginleika sína. Sérfræðingar Smartlands eru sammála þeim dómum enda á ferðinni einstaklega góð sápa sem mýkir húðina og keyrir upp vellíðan.
Hár
Sjampó og hárnæring ársins:
Kérastase – Chroma Absolu – Bain Riche Chroma Respect – Nourishing Protective Sjampó og hárnæring
Þessi tvenna sló í gegn á árinu sem er að líða. Um er að ræða milt og rakagefandi sjampó fyrir venjulegt og gróft hár sem mýkir hárið og gerir það meira glansandi.
Aflitunarsjampó og hárnæring ársins:
Cool Blonde frá Label.m
Eitt af hártrendunum 2022 var aflitað hár sem kallaði á fjólublátt sjampó. Fólk með aflitað hár vill nefnilega ekki vera með gult hár. Fjólubláa sjampóið frá Label.m kom eins og himnasending fyrir þetta fólk því það gefur raka og gefur hárinu meiri gljáa.
Hárvara ársins:
Hármaskinn frá K18
Þetta efni lítur sakleysislega út en getur gert algert kraftaverk fyrir slitið og þreytt hár. Fyrst er hárið þvegið með sjampói og svo er ein pumpa af þessu efni sett í hárið. Það tekur fjórar mínútur að láta það byrja að virka. Sérfræðingar Smartlands voru sammála um að þetta efni ætti það skilið að vera hárvara ársins.
Ilmur ársins:
Flora Gorgeus Gardenia frá Gucci
Ítalska tískuhúsið Gucci á ilm ársins sem er svo ferskur og góður að hann fer með fólk inn í nýjar víddir lyktarskinsins.
/frimg/1/48/37/1483717.jpg)
/frimg/1/47/95/1479500.jpg)
/frimg/1/47/2/1470257.jpg)
