„Hann stendur vel, þannig. Það eru örugglega einhverjir rúmir þrír milljarðar í verkfallssjóði,“ segir Ólöf Helga Adolfsdóttir, ritari Eflingar, spurð um stöðu verkfallssjóðs Eflingar. 

Enn bólar ekkert á tilkynningu um atkvæðagreiðslu um verkfallsaðgerðir, eftir að Efling sleit viðræðum við Samtök atvinnulífsins í vikunni og hvorki útfærsla né tímasetning aðgerða liggur fyrir. 

Frétt af mbl.is

Var bannað að spyrja spurninga

Ólöf Helga er gest­ur Karítas­ar Rík­h­arðsdótt­ur í Dag­mál­um þar sem hún fer yfir þátt­töku sína í starfi Efl­ing­ar, sam­skipti sín inn­an stjórn­ar, fyr­ir og eft­ir að Sól­veig gekk út og sagði af sér, og sína sýn á verk­falls­boðun sem nú vof­ir yfir.

„En þetta eru þrír milljarðar sem við getum virkilega notað á næsta ári þegar við erum að berjast fyrir stóru hlutunum,“ bætir Ólöf Helga við. 

Oft spurð hvernig hún nenni þessu

Staða Sólveigar breytt

Hún segir aðra stöðu vera innan Eflingar nú, til að fara í mótframboð við lista Sólveigar Önnu Jónsdóttur, formanns Eflingar, en áður. Í vor fer fram kjör í minni hluta stjórnarinnar og kosið verður til meiri hluta stjórnarinnar á næsta ári.

„Núna erum við búin að sjá verkalýðsleiðtoga, Sólveigu Önnu, ganga út, vera með læti, gera lítið úr starfsfólki sínu. Ná kjöri aftur – og alls ekki með eins sterku umboði og áður – hún var með rúm fimmtíu prósent núna, og þá fer hún beint í hreinsanir. Hún fer í hópuppsagnir, kallar þær skipulagsbreytingar, breytir í rauninni engu nema nokkrum starfsheitum og tapar fjórum dómsmálum og er svo bara búin að tilkynna verkfall löngu áður er við erum byrjuð í kjaraviðræðum. Ætlar svo bara í verkföll.“

Blóðugt að missa afturvirkni

Ólöf segir að það sé blóðugt að missa afturvirkni nýrra kjarasamninga fyrir minni ávinning sem aldrei getur bætt upp tapið á afturvirkninni.