„Það hefur bara áhrif á Gumma Gumm,“ sagði Bjarni Fritzson, fyrrverandi landsliðsmaður í handknattleik og þjálfari ÍR í úrvalsdeild karla, í Dagmálum þegar riðlakeppnin á HM 2023 í Svíþjóð og Póllandi var gerð upp.

Íslenska karlalandsliðið er komið áfram í milliriðla á heimsmeistaramótinu en liðið er sem stendur í öðru sæti milliriðils II með 4 stig eftir sigur gegn Grænhöfðaeyjum í gær.

Miklar væntingar voru gerðar til íslenska liðsins í aðdraganda mótsins enda margir af lykilmönnum liðsins að spila með sterkustu félagsliðum heims.

„Hann þolir ekki þegar þjóðin og leikmennirnir fara fram út sér og hann reyndi að halda væntingunum niðri eins og hann gat í aðdraganda mótsins,“ sagði Bjarni.

„Liðið er hins vegar bara það gott, og menn eru að standa sig ótrúlega vel út í heimi, þannig að það er erfitt að setja ekki mikla pressu á liðið,“ sagði Bjarni meðal annars.

Uppgjörið úr riðlakeppni HM má nálgast með því að smella hér.

Guðmundur Þórður Guðmundsson með þjálfarateymi sínu eftir leik Íslands og Grænhöfðaeyja í gær. mbl.is/Kristinn Magnússon