„Þessi leikur á móti Svíum verður sturlaður,“ sagði Bjarni Fritzson, fyrrverandi landsliðsmaður í handknattleik og þjálfari ÍR í úrvalsdeild karla, í Dagmálum þegar riðlakeppnin á HM 2023 í Svíþjóð og Póllandi var gerð upp.

Íslenska karlalandsliðið er komið áfram í milliriðla á heimsmeistaramótinu liðið er sem stendur í öðru sæti milliriðils II með 4 stig eftir sigur gegn Grænhöfðaeyjum á miðvikudaginn.

Ísland mætir Svíþjóð í dag í Gautaborg í afar mikilvægum leik en sigur í leiknum myndi setja íslenska liðið í lykilstöðu þegar kemur að sæti í 8-liða úrslitum keppninnar.

„Ég öfunda strákana að fá að upplifa það að mæta heimaliðinu í svona stórum leik,“ sagði Bjarni.

„Við getum léttilega unnið þá og þetta verður fyrst og fremst stórkostlegur handboltaleikur,“ sagði Bjarni meðal annars.

Uppgjörið úr riðlakeppni HM má nálgast með því að smella hér.

Leikmenn íslenska liðsins fagna sigri gegn Grænhöfðaeyjum á miðvikudaginn. mbl.is/Kristinn Magnússon