Tvíburarnir Jacques prins af Mónakó og Gabríella prinsessa sýndu sínar bestu hliðar á Sainte Devote-hátíðinni í Mónakó. 

Þar voru þau ásamt móður sinni Charlene prinsessu sem kveikti í bát með kyndli til þess að opna hátíðina. Albert fursti var hins vegar fjarri góðu gamni en hann greindist með kórónuveiruna í þriðja skipti og var því í einangrun.

Tvíburarnir eru átta ára og ljóst að mikill systkinakærleikur ríkir á milli þeirra. Jacques prins virtist vera að passa upp á systur sína, sem var ekkert mjög hrifin af eldinum. Charlene þótti líta vel út, en hún hefur barist við langvinn og erfið veikindi sem markað hafa mjög líf hennar.

Fjölskyldan kveikir í bát en þessi athöfn markar upphaf hátíðahalda til heiðurs dýrlingnum Devotu. AFP

Tvíburarnir eru átta ára. AFP

Jacques prins passaði upp á systur sína sem virtist hrædd við logana. AFP

Albert fursti var í einangrun eftir að hafa smitast af Covid-19 í þriðja sinn. AFP