Edda Björgvinsdóttir leikkona er ekki að velta sér upp úr hækkandi aldri. Hún leggur mikla áherslu á að rækta sambandið við fólkið í kringum sig og segir það gefa lífinu gildi. 

Hvað er á döfinni hjá þér?

„Ég klára sálgæslunámið mitt í vor og svo er ég að skrifa leikrit.“

Hvað gerir þú til að vera ung í anda?

„Passa að hlæja og fíflast.“

Finnur þú fyrir því að þú sért að eldast?

„Nei.“

Hvað borðar þú í morgunmat?

„Grænan drykk.“

Grænn drykkur gerir góðan dag betri. LJósmynd/Unsplash.com/ Alex Lvrs

Hvaða borg er í uppáhaldi hjá þér?

„Ég er alltaf með djúpa tengingu við London. Við bjuggum þar fjölskyldan meðan Gísli var að læra leiklist. Við bjuggum í hverfi sem heitir Finchley.“

London er skemmtileg borg. Ljósmynd/Unsplash.com/Lucas Davies

Hvaða hlutur er ómissandi?

„Af veraldlegum hlutum: Vitamix-blandarinn minn. Annars eru samskipti við alla mína ástvini gjörsamlega ómissandi.“

Vitamix-blandarinn er í uppáhaldi.

Hvað ertu að lesa núna?

„Grief and Bereavment in Contemporary Society. Þetta er ein af námsbókunum mínum.“

Hver er uppáhaldssjónvarpsþátturinn þinn?

„Venjulegt fólk. Húmor er svo vandasamur. Þetta eru svo einstaklega vel heppnaðir gamanþættir.“

Leikkonurnar Vala Kristín Eiríksdóttir og Júlíana Sara Gunnarsdóttir leika í Venjulegu fólki. mbl.is/Ásdís

Hver er uppáhaldsveitingastaðurinn þinn?

„Systrasamlagið. Á Systrasamlaginu getur maður fengið sér létta rétti en þar er allt dásamlega bragðgott og allt lífrænt og hollt.“

Systrasamlagið. mbl.is/Hari

Hvað gefur lífinu gildi?

„Dagleg samskipti við alla sem ég elska.“