Katrín prinsessa af Wales hefur verið dugleg að faðma fólk í opinberum heimsóknum sínum upp á síðkastið. Meira en oft áður.

Breskir fjölmiðlar telja að þessi faðmlög séu leið Katrínar til þess að hrekja staðhæfingar Meghan í Netflix-þáttunum Harry & Meghan um að hún og Vilhjálmur prins vilji síður faðma fólk.

Meghan sagðist á sínum tíma ekki hafa áttað sig á að formlegheit konungsmeðlimanna væru ekki bara út á við heldur héldu áfram bak við luktar dyr. 

„Jafnvel þegar Vilhjálmur og Katrín komu í heimsókn og ég var að hitta hana í fyrsta sinn. Ég man að ég var berfætt í rifnum gallabuxum. Ég er faðmari og hef alltaf verið það. Ég áttaði mig ekki á að það væri mjög stuðandi fyrir marga Breta.“

Nú sýnir Katrín í verki að hún hikar ekki við að faðma fólk. Á dögunum fóru þau Vilhjálmur í heimsókn til Cornwall þar sem hún hitti fyrrverandi kennara sinn og faðmaði hann innilega. Þá heilsaði hún einnig afrekskonunni Preet Chandi með faðmlagi og var sú mynd birt á samfélagsmiðlum hjónanna. 

Margir álíta að Katrín sé að blása á sögur Meghan um að hún sé lítið gefin fyrir faðmlög. AFP

Katrín prinsessa hitti afrekskonuna Preet Chandi og faðmaði hana innilega. AFP