Rapparinn Post Malone er um þessar mundir staddur á tónleikaferðalagi í Ástralíu með hljómsveitinni Red Hot Chili Peppers. Síðastliðna helgi var honum meinaður aðgangur að ástralska þakbarnum QT vegna húðflúra sinna.
Rapparinn Post Malone er um þessar mundir staddur á tónleikaferðalagi í Ástralíu með hljómsveitinni Red Hot Chili Peppers. Síðastliðna helgi var honum meinaður aðgangur að ástralska þakbarnum QT vegna húðflúra sinna.
Rapparinn Post Malone er um þessar mundir staddur á tónleikaferðalagi í Ástralíu með hljómsveitinni Red Hot Chili Peppers. Síðastliðna helgi var honum meinaður aðgangur að ástralska þakbarnum QT vegna húðflúra sinna.
Malone er þakinn húðflúrum um allan líkamann, meðal annars í andliti og á hálsi. Hann segir húðflúrin í andlitinu á sér hafa gefið sér sjálfstraust þar sem honum hafi ekki líkað við útlit sitt áður.
„Þeir vísuðu mér frá vegna húðflúra minna. Ég hef eiginlega aldrei upplifað neitt slíkt,“ sagði rapparinn um atvikið í samtali við The West Australian.
Stuttu eftir atvikið gaf QT út afsökunarbeiðni sem birtist á Daily Mail Australia. „Við hjá QT stefnum að því að bjóða alla velkomna og fagna sérstöðu hvers einstaklings. QT hefur verið þekkt fyrir þetta í mörg ár,“ segir í yfirlýsingunni.
„Hins vegar, á laugardagskvöldið, þá veitti öryggisgæsla frá þriðja aðila ekki viðeigandi nærgætni og við tökum fulla ábyrgð á þessu. Við biðjum þá einstaklinga sem urðu fyrir óþægindum innilegrar afsökunar.“