Það er ekkert í reglum Eflingar um vinnudeilusjóð Eflingar sem hindrar það að greiða félagsmönnum í tilviki verkbanns í raun er það markmið sjóðsins að greiða félagsmönnum í tilviki verkbanns. 

Agnieszka Ewa Ziółkowska, vara­formaður Efl­ing­ar, bendir á þetta í færslu á Facebook-síðu sinni.

Eins og áður hefur verið greint frá hefur Efling gefið það út að félagið muni ekki greiða neina styrki úr vinnudeilusjóði til félagsfólks vegna verkbanns. Í tilkynningu frá Eflingu sagði að verkbann væri ekki ábyrgð félagsins og að sjóðurinn stæði ekki undir þeim greiðslum. Eins og kunnugt er var verkbann samþykkt af aðildarfélögum Samtaka atvinnulífsins fyrr í dag og mun það taka gildi 2. mars.

Frétt af mbl.is

Engir styrkir frá Eflingu vegna verkbanns

Frétt af mbl.is

Vinnudeilusjóður hrykki skammt

Einungis ákvörðun formanns

Agnieszka vísar til reglugerðar um vinnudeilusjóð Eflingar-stéttarfélags þar sem stendur berum orðum: „Markmið sjóðsins er að styrkja félagsmenn í verkföllum eða verkbönnum þegar félagið á í vinnudeilum.“

„Félagar í Eflingu eiga rétt á því að vita að reglur félagsins eru ekki að hindra formann þeirra í að greiða úr sjóðnum í tilviki verkbannsins. Það er einungis hennar ákvörðun,“ segir Agnieszka í Facebook-færslu sinni.

„Hún er þess í stað tilbúin að láta láglauna félagsmenn sína þjást. Í reglugerð þessari segir að Efling sé heimilt að styðja félagsmenn sína ef um verkbann er að ræða. Það sem er réttast í stöðunni er að styðja félagsmenn okkar í verkbanninu, ekki láta þá þjást.“