Hrafnhildur Hafsteinsdóttir markaðs-og gæðastjóri hjá Hjallastefnunni skartaði sínu fegurasta þegar hún sýndi nýjustu strauma og stefnur á tískusýningu í versluninni Hjá Hrafnhildi. Tískusýningar eru fátíðar í dag og því flykktust skvísur landsins á viðburðinn til þess að fá innblástur fyrir komandi tíð. 

Eins og sjá má á myndunum eru sterkir litir áberandi í vortískunni. Þar má nefna fjólubleikar dragtir, himinbláar dragtir og gula kjóla svo eitthvað sé nefnt. Mikið munstraðir kjólar hafa verið áberandi síðustu misseri og eru vinsældir þeirra ekki á undanhaldi. 

Eins og sjá má á myndunum var komið vor í skvísurnar. Ekki skemmdu búbblurnar og sætu bitarnir fyrir stemningunni.