Við Ósabakka í Reykjavík er að finna sjarmerandi 211 fm raðhús sem reist var árið 1976. Eignin er á pöllum og hefur verið innréttuð á skemmtilegan máta. 

Stofa og borðstofa eru samliggjandi á efsta palli í bjötu rými. Stórir gluggar og viðarbitar í lofti gefa rýminu fágað yfirbragð. Þá setur hlaðinn arinn sterkan svip á rýmið og fangar augað, en svarti liturinn myndar skemmtilegan kontrast við ljósa Söderhamn sófa og stóla í rýminu. 

Falleg lýsing í forgrunni

Í borðstofunni má sjá hið einstaka Vertigo ljós úr smiðju Constance Guisset, en ljósið er skemmtilegt í laginu og setur án efa punktinn yfir i-ið. Frá stofunni er útgengt á svalir til suðurs. 

Eignin státar af fimm svefnherbergjum og tveimur baðherbergjum. Þar af er rúmgott hjónaherbergi sem hefur verið málað í afar mjúkum tón. Falleg ljós skapa notalega stemningu í herberginu, en þaðan er útgengt í gróinn garð.

Sjá á fasteignavef mbl.is: Ósabakki 5