Gögn úr nýlegri rannsókn hafa leitt í ljós að Reykjavík sé öruggasti ferðamannastaðurinn árið 2023.

Í rannsókninni, sem gerð var á vegum Get Licensed, voru öryggisþættir greindir. Þeir voru meðal annars tíðni glæpa og morða, samþykki hinsegin fólks, traust til lögreglu og áhyggjur af því að vera rændur. Niðurstöðurnar leiddu í ljós að höfuðborg Íslands, Reykjavík, sé öruggasti ferðamannastaður í heimi. 

Reykjavík skoraði hæst með heildarskorið 8.87. Borgin skoraði hátt á flestum þáttum og þá sérstaklega þegar kom að félagslegri viðurkenningu hinsegin fólks, með hæstu einkunnina, eða 9.78.

Evrópa er með sex áfangastaði á topp 10 listanum sem gerir hana að öruggustu heimsálfunni til að heimsækja árið 2023. 

10 öruggustu ferðamannastaðirnir árið 2023:

1. Reykjavík, Ísland

2. Bern, Sviss

3. Bergen, Noregur

4. Kýótó, Japan

5. Taípei, Taívan

6. Singapúr

7. Kaupmannahöfn, Danmörk

8. Salzburg, Austurríki

9. Tókýó, Japan

10. Doha, Katar og Ljubljana, Slóvenía