Breski stjörnuspekingurinn Inbaal Honingnman vakti mikla athygli á dögunum þegar hún birti heldur óhefðbundna stjörnuspá. Í greininni sem birtist á Daily Mail segir hún hvert stjörnumerki hafa sína einkennandi förðun sem dregur fram það besta í útliti stjörnumerkjanna.

Hefur þú prófað förðunina sem hentar þínu stjörnumerki best?

Hrúturinn: Djarfar varir

Leikkonan Anya Taylor-Joy er hrútur, en hér er hún með djarfar rauðar varir sem fara henni afar vel. AFP

Honignman lýsir hrútum sem bæði kraftmiklum og ævintýragjörnum, en hún segir klassískar og djarfar varir fullkomna förðun þeirra. „Uppáhaldsliturinn þeirra er óneitanlega rauður,“ bætir hún við. 

Nautið: Skygging

Tónlistarkonan Adele er í stjörnumerkinu naut, en hún er alltaf með fallega skyggingu. AFP

Það er hægt að treysta á að nautin mæti alltaf með fallega skyggingu. „Sem jarðarmerki hallast nautin náttúrulega að hlutlausum tónum. Þau fara ekki endilega í eitthvað glitrandi en kunna að draga fram fallega förðun með skyggingu,“ segir Honignman.

Tvíburinn: Bjartir litir

Zoe Saldana er í stjörnumerkinu tvíburi, en hér er hún með bjartar rauðar varir og geislar af fegurð. DANNY MOLOSHOK

Að sögn Honignman elskar tvíburinn bjarta liti, sérstaklega þegar kemur að kinna- og varalitum. Hún lýsir tvíburanum sem „frjálsum, virkum og líflegum“ einstaklingi sem elskar að skemmta sér. Því er ekki við öðru að búast en að litapalletta þeirra sé full af björtum litum.

Krabbinn: Rómantísk förðun

Lana Del Ray er krabbi, en hér er hún með afar fallega og rómantíska förðun. AFP

Krabbinn elskar allt sem er rómantískt og því kemur ekki á óvart að förðun þeirra sé undir rómantískum áhrifum. Honingnman segir að krabbinn leiti í tímalausa förðun með mjúkum og ferskjulitum tónum. 

Ljónið: Alvöru glamúr

Hin glæsilega Kylie Jenner er ljón og er þekkt fyrir að skarta alvöru glamúrförðun. AFP

Hin djörfu og fögru ljón kunna að meta alvöru glamúr. „Uppáhaldslitur ljónanna er gull – og þau biðjast ekki afsökunar á því að líta stórkostlega út,“ útskýrir Honingnman. 

Meyjan: Tímalaust og klassískt

Tónlistardívan Beyoncé er meyja, en hún er þekkt fyrir klassíska og tímalausa förðun sem lítur alltaf jafn vel út. AFP

Honingnman lýsir meyjunni sem hagnýtri, raunsærri og snyrtilegri. „Förðun meyjunnar er tímalaus. Meyjan veit hvað hentar þeim og halda sig við það.“

Vogin: Yfirveguð förðun

Cardi B er í stjörnumerkinu vog. Hér má sjá að förðun hennar er hluti af heildarútlitinu þar sem allt tónar fallega saman. AMY SUSSMAN

Honingnman segir vogina vera „glæsilegasta“ merkið. Fyrir þeim er förðun ekki bara förðun heldur hluti af stærri fagurfræðilegu útliti sem inniheldur einnig fatnað og hárgreiðslu – og allt þarf þetta að passa vel saman.

Sporðdrekinn: „Goth“ glamúr

Winona Ryder er sporðdreki og er hrifin af djúpum og dökkum tónum. AFP

Sporðdrekinn elskar dökka og djúpa liti, bæði þegar kemur að förðun og fatnaði. „Fyrir þeim er tjáning og sköpunargleði mikilvægasti þátturinn í útliti þeirra. Í bæði förðun og fatnaði munu þeir velja djúpa liti sem endurspegla djúpan persónuleika þeirra,“ útskýrir Honingnman. 

Bogamaðurinn: Skemmtilegt og frjálst

Nicki Minaj er bogamaður, en hún er þekkt fyrir að vera óhrædd við að prófa nýja hluti þegar kemur að útlitinu. AFP

Bogamaðurinn er óhræddur við að gera tilraunir þegar kemur að útliti sínu. „Þetta skemmtilega og frjálslega merki er þekkt fyrir að vera ævintýralegt – og það nær til förðunarinnar líka,“ segir Honingnman. 

Steingeitin: Ljómi, ljómi, ljómi!

Mary J. Blige er steingeit. Hún er sannarlega ljómandi á rauða dreglinum. AFP

„Steingeitin dregur fram eiginleika sína með rauðum varalit, dökkum augnskugga og fallegum gerviaugnhárum sem haldast á allan daginn,“ útskýrir Honingnman. Þá segir hún steingeitina vera dolfallna fyrir fallegum og djörfum ljóma. 

Vatnsberinn: Minimalísk förðun

Oprah Winfrey er vatnsberi með fallega en minimalíska förðun. AFP

Vatnsberinn er þekktur fyrir að vera mannúðarsinni stjörnumerkjanna. „Það er því líklegt að hann munni einungis fara í vörur sem eru fullkomlega sjálfbærar sem hafa ekki verið prófaðar á dýrum,“ segir Honingnman. 

Fiskurinn: Glimmer og nóg af ljóma

Söngkonan Rihanna er fiskur og sést hér með fallega förðun og glimmer augnskugga. AFP

Glimmer og glitur eru í forgrunni í fagurfræði fiskanna. „Þeir munu líklega velja örlítið óvenjulegar vörur fram yfir klassíkina,“ útskýrði Honingnman og bætti við að þeir hefðu mikið dálæti á fallegum eyeliner.