Eftir að hafa eytt rúmlega níu árum í Barcelona á Spáni hefur söngkonan Shakira ákveðið að flytja í burtu þaðan með börnunum sinum tveimur.

Shakira á tvo syni, Milan sem er tíu ára og Sasha sem er átta ára, með fyrrverandi kærasta sínum, knattspyrnumanninum Gerard Piqué. Hún hefur ákveðið að yfirgefa Spán og setjast að í Miami á Flórída í leit að hamingju og til að vera nær ástvinum sínum. 

Ákvörðunin kemur tæplega tíu mánuðum eftir að Shakira og Piqué tilkynntu sambandsslit sín, en þau hafa verið áberandi í fjölmiðlum undanfarið þar sem Piqué er sakaður um að hafa haldið fram hjá söngkonunni. 

Frétt af mbl.is

Búið spil hjá Shakiru og Pique

Frétt af mbl.is

Svona komst Shakira að framhjáhaldinu

„Í dag hefst nýr kafli“

„Ég settist að í Barcelona til að veita börnunum mínum stöðugleika, það sama og við erum núna að leita að í öðru heimshorni,“ skrifaði Shakira við Instagram-færslu þann 2. apríl síðastliðinn. „Í dag hefst nýr kafli í leit þeirra að hamingjunni.“