Búið er að slökkva þann mikla eld sem kviknaði í eldsneytisgeymslustöð í borg­inni Sevastopol á Krímskaga. Líklegt þykir að eldurinn hafi kviknað vegna drónaárásar. 

Úkraínumenn hafa ekki lýst yfir ábyrgð á árásinni en hafa sagt brunann vera refsingu frá guði. Enginn slasaðist í brunanum.

Ríkisstjóri á svæðinu segir eldinn hafa náð yfir um þúsund fermetra svæði en nóg sé eftir af eldsneyti fyrir almenna borgara.

Frétt af mbl.is

Stórbruni á Krímskaga

Eldurinn kviknar minna en sólarhring eftir að Rússar sprengdu blokk í borginni Uman í Úkraínu sem varð yfir 20 manns að bana, þar á meðal börn. Talið er að bruninn á Krímskaga sé hefndaraðgerð fyrir fyrrnefnda sprengingu. 

Reuters greinir frá því að þeir tíu eldsneytistankar sem voru eyðilagðir hafi innihaldið um fjörutíu þúsund lítra af olíu sem var ætlað flota Rússa í Svartahafi.