Bandarísk stjórnvöld telja að 20 þúsund menn hafi látist í átökum í austurhluta Úkraínu síðustu fimm mánuði, aðallega í Bakmút. Þá hafi áttatíu þúsund til viðbótar særst.

„Samkvæmt okkar heimildum hafa Rússar misst um hundrað þúsund menn, þar á meðal meira en tuttugu þúsund sem létust í beinum átökum,“ sagði John Kirby, talsmaður þjóðaröryggisráðs Bandaríkjanna, í dag.

Rússum hafi ekki tekist að ná yfirráðum á mikilvægustu svæðunum.

Þá sýni gögn sem nýlega voru gerð opinber að um helmingur þeirra sem létust í rússneska hernum hafi verið Wagner-málaliðar.

Átök í Bakmút hafi verið Rússum dýrkeypt, klárað birgðir og mannafla.