Lúðvík prins, sonur Vilhjálms prins og Katrínar prinsessu af Wales, stal senunni enn eina ferðina þegar Karl III. Bretakonungur var krýndur við hátíðlega athöfn í Westminster Abbey hinn 6. maí síðastliðinn.

Prinsinn sprengdi alla krúttskala síðastliðna helgi, en hann var fljótt orðin þreyttur á látunum í kringum krýningu afa síns og geispaði ítrekað.

„Lúðvík stelur senunni með geispum sínum. Ég elska þennan krakka!“ tísti einn áhorfandi á meðan annar tísti: „Lúðvík prins að geispa í gegnum allt saman er algjör stemning.“

Þetta er sannarlega ekki í fyrsta sinn sem Lúðvík stelur senunni, en hann tók við hlutverki senuþjófs af systur sinni, Karlottu prinsessu, á síðasta ári.

Frétt af mbl.is

Senuþjófurinn Lúðvík

Frétt af mbl.is

Lúðvík prins líkaði ekki lætin

Frétt af mbl.is

Lúðvík stal senunni í jóladagsmessu

Lúðvík var strax farinn að geispa þegar hann mætti í Westminster Abbey. AFP

Geispin hættu ekki í krýningunni sjálfri, en hér situr hann ásamt foreldrum sínum og systur. AFP

... og svo hélt hann áfram þegar hann var á leiðinni heim frá Westminster Abbey. AFP