Það virðist ekki væsa um portúgalska knattspyrnumanninn Cristiano Ronaldo og Georginu Rodriguez í Sádí-Arabíu ef marka má myndir sem þau hafa deilt að undanförnu. 

Fjölskyldan flutti til Sádi-Arabíu í janúar síðastliðnum eftir að Ronaldo skrifaði undir samning við sádi-arabíska félagið Al-Nassr.

Frétt af mbl.is

Ronaldo búinn að semja í Sádi-Arabíu

Þénar rúmar 87 milljónir á dag

Á myndunum er fjölskyldan í góðu yfirlæti við glæsilega sundlaug þar sem sólbaðsaðstaðan er ekki af verri endanum. Þá má einnig sjá glitta í heimili fjölskyldunnar sem líkist helst höll, enda ekki við öðru af búast af fótboltastjörnunni sem þénar 173 milljónir sterlingspunda á ári, eða sem nemur rúmlega 30 milljörðum króna að því er fram kemur á vef Sporting News.