Hjónin Tolli Morthens og Gunný Magnúsdóttir settu glæsihús sitt í Grafarholti á sölu á dögunum. Um er að ræða 270 fm einbýli sem byggt var 2002.  Nú hefur húsið verið selt. 

Frétt af mbl.is

Tolli og Gunný selja 195 milljóna einbýli

Tolli er þekktur myndlistarmaður og Gunný er áfengis-og fíkniráðgjafi. Þau eru sérlega lunkin við að gera fallegt í kringum sig. Heimilið bar þess merki að þarna væri smekkfólk á ferð enda hver hlutur á sínum stað. Húsið er í útjaðri hverfisins og því stutt í náttúrufegurðina sem þar ríkir. 

Ásett verð var 195 milljónir en húsið var selt á 182.500.000 kr. 

Nýir eigendur hússins eru Fannar Freyr Bjarnason og Dagrún Fanný Liljarsdóttir. Það á án efa eftir að fara vel um þau húsinu.