Áhrifavaldurinn og athafnakonan, Camilla Rut Rúnarsdóttir, og kærasti hennar, Valgeir Gunnlaugsson, eru nú á fullu í framkvæmdum, en þau eru á leið í sambúð og hafa fundið sér framtíðarheimili á Seltjarnarnesi.

Frétt af mbl.is

Camy og Valli á leið í sambúð

Á dögunum kom Camilla kærasta sínum skemmtilega á óvart þegar hún splæsti í „draumaklósett“ Valgeirs. Klósettið sem um ræðir er japanskt klósett, en það er tæknivæddara en hið hefðbundna klósett og bæði skolar og þurrkar eftir hverja notkun.

„Sörpræs! Ég sagði já! Sjaldan séð einn mann jafn glaðan ... þetta er KLÓSETT guys ...“ skrifaði Camilla við tilfinningaþrungið myndband af stundinni þegar hún kom Valgeiri á óvart.

„Sumir ætla aldeilis að dekra rassinn á sér“

Eins og sést á myndbandinu er Valgeir í skýjunum með klósettið. Fyrir viku síðan birti Camilla færslu á Instagram þar sem hún deildi samræðum milli þeirra um næsta áfangann í framkvæmdunum, baðherbergið.

„Nú er komið að því að velja blöndunartæki og klósett ... á bæði baðherbergin ... Hverjum hefði dottið það í hug að það sé valkvíði á bakvið KLÓSETT?“ skrifaði Camilla.

„Þá snýr maðurinn við hliðina á mér sér við og segir: „Þú veist að þú mátt velja allt eftir þínu höfði og búa okkur til fallegt heimili en það eina sem ég bið um er japanskt klósett.“ Sem er sumsé klósett með innbyggðri skolskál, þurrkar líka og allur pakkinn ... sumir ætla aldeilis að dekra rassinn á sér,“ bætti hún við.