Hvíta-Rússland | 22. maí 2023
Protasevitsj náðaður
Hvítrússneski aðgerðarsinninn Róman Protasevitsj hefur verið náðaður eftir að hafa verið dæmdur í átta ára fangelsi í byrjun mánaðarins. Grunur leikur á að hann hafi verið neyddur til að veita hvítrússnesku leyniþjónustunni upplýsingar.
Protasevitsj náðaður
Hvíta-Rússland | 22. maí 2023
Setja bókamerki
Hvítrússneski aðgerðarsinninn Róman Protasevitsj hefur verið náðaður eftir að hafa verið dæmdur í átta ára fangelsi í byrjun mánaðarins. Grunur leikur á að hann hafi verið neyddur til að veita hvítrússnesku leyniþjónustunni upplýsingar.
Hvítrússneski aðgerðarsinninn Róman Protasevitsj hefur verið náðaður eftir að hafa verið dæmdur í átta ára fangelsi í byrjun mánaðarins. Grunur leikur á að hann hafi verið neyddur til að veita hvítrússnesku leyniþjónustunni upplýsingar.
Protasevitsj var á meðal þeirra sem skipulagði mótmæli gegn núverandi stjórn ríkisins árið 2020.
Í maí árið 2021 voru Protasevitsj og kærasta hans, Sofia Sapega, handtekinn í Minsk eftir að farþegaþotunni sem þau voru farþegar í var gert að lenda þar á leið frá Aþenu til Vilníus.
Þakkar forsetanum
„Ég hef nú skrifað undir viðeigandi gögn sem staðfesta náðun mína,“ hefur hvítrússneski ríkismiðilinn Belta eftir Protasevitsj.
„Ég er einstaklega þakklátur ríkinu og að sjálfsögðu forsetanum fyrir að taka þessa ákvörðun. Þetta er að sjálfsögðu góðar fréttir,“ hefur Belta eftir honum.
Eftir handtöku Protasevitsj birtu hvítrússneskir miðlar myndskeið af honum þar sem hann játaði sök og baðst afsökunar á gjörðum sínum. Talið er að stjórnvöld þvinguðu hann til þess, en lítið er vitað um hvernig leyniþjónustan kom fram við Protasevitsj.
