Harry Bretaprins fær ekki að borga sjálfur fyrir lögregluvernd sína í Bretlandi samkvæmt úrskurði breskra dómstóla. Harry missti rétt sinn á lögregluvernd þegar hann sagði sig frá konunglegum skyldum sínum.

Lögfræðingar Harrys fóru fram á að mál hans þar sem hann bauðst til þess að fjármagna sjálfur lögregluvernd fyrir sig og fjölskyldu sína þegar þau heimsóttu Bretland yrði tekið upp aftur. Lögfræðingar innanríkisráðuneytis Bretlands höfðu áður lagst gegn hugmyndinni um að leyfa auðmönnum að kaupa sér öryggisvörslu frá lögreglunni. Dómari úrskurðaði hins vegar að endurupptaka myndi ekki eiga sér stað.

Úrskurðurinn kominn fyrir eftirförina

Kom úrskurðurinn í kjölfar eins dags dómsmeðferðar í Lundúnum í síðustu viku. Var hann kominn áður en Harry og Meghan Markle greindu frá eftirför sem þeim var veitt í New York-borg.

Frétt af mbl.is

Harry og Meghan veitt eftirför