Það var geggjuð stemning á pallinum í Ráðagerði við Gróttu í gær þegar íslenska sundfatamerkið Swimslow hélt vorpartí með Aperol Spritz. Eins og sönnum Íslendingum sæmir sem stunda sund allan ársins hring í öllum veðráttum létu partígestir ekki smá vind stöðva sig í að skála með Aperol Spritz í hönd við sjávarsíðuna. 

Glæsilegar ljósmyndir eftir Marsý Hild Þórsdóttir úr nýjustu herðferð merkisins prýddu veggi en herferðin var skotin í Bláa lóninu. Gleðin einkenndist af huggulegri aperitivo-stemningu að ítölskum sið, en bæði vörumerkin eiga það sameiginlegt að vera framleidd á Ítalíu. 

DJ De la Rosa spilaði skemmtilega tóna og módel frá Eskimo Models klæddust nýjustu Swimslow-stílunum við buxur frá versluninni Fou22 og skóm úr línu Elísabetar Gunnars fyrir Jodis. NYX sá um förðun. 

Veglegt happdrætti í boði Swimslow, Fischersund, Rvk Ritual, Sky Lagoon, Davines, Bioeffect og Aperol gerði gleðina enþá skemmtilegri sem og gjafapokarnir sem fyrstu 50 gestirnir fengu og innihéldu geggjaðar vörur frá Iceherbs, Nola, Dr. Hauschka, Omnom, Essie, L´Oreal og Davines.