Skæruverkföll starfsmanna sundlauga sem eru í BSRB munu að öllum líkindum verða til þess að loka þurfi sundlaugum um hvítasunnuhelgina.  

Þetta kemur fram í tilkynningu frá BSRB.

Starfsfólk sundlauga og íþróttamiðstöðva á Vestur-, Norður-, og Austurlandi bætast við hópinn sem þegar hefur lagt niður störf í kjaradeilum BSRB og SNS.

Skæruverkföll verða hjá starfsfólki sundlauga og íþróttamiðstöðva, til að mynda í Borgarbyggð og á Akureyri, og munu þær að öllum líkindum loka dyrum sínum fyrir gestum um hvítasunnuhelgina, að því er segir í tilkynningu.

„Ef samningar nást ekki fyrir 5. júní bætast við sundlaugar og íþróttamiðstöðvar í enn fleiri sveitarfélögum, einnig á höfuðborgarsvæðinu, allt þar til samningar nást,“ segir í tilkynningunni.

Starfsfólk eftirfarandi sundlauga og íþróttamannvirkja leggur niður störf um helgina:

Akureyrarbær

• Sundlaug Akureyrar
• Sundlaug Glerárskóla (Íþróttamiðstöð Glerárskóla)
• Íþróttamiðstöðin í Hrísey, sundlaug og líkamsrækt

Dalvíkurbyggð

• Íþróttamiðstöð - Sundlaug Dalvíkur

Fjallabyggð

• Sundlaugin í Ólafsfirði og íþróttamiðstöð Fjallabyggðar í Ólafsfirði
• Sundhöllin á Siglufirði og íþróttamiðstöð Fjallabyggðar á Siglufirði

Skagafjörður

• Sundlaugin í Varmahlíð og íþróttahúsið Varmahlíð
• Sundlaug Sauðárkróks við Skagfirðingabraut og íþróttahús Sauðárkróks
• Sundlaugin á Hofsósi

Fjarðabyggð

• Stefánslaug Neskaupstað

Borgarbyggð

• Sundlaugin og íþróttamiðstöðin Borgarnesi

Snæfellsbær

• Sundlaug Snæfellsbæjar
• Íþróttahús Snæfellsbæjar

Vesturbyggð

• Brattahlíð, sundlaug Patreksfirði