Við Refsholt 4 í Borgarfirði er að finna krúttlegan sumarbústað sem búið er að nostra við. Bústaðurinn er 44 fm að stærð og var byggður 2004. Sumarbústaðurinn er í landi Hálsa í Hálsaskógi við Skorradal. 

Bústaðurinn er fallega innréttaður. Í eldhúsinu er ljósgrá innrétting með viðarborðplötu og líka stálborðplötu. Stofa og eldhús eru í sameiginlegu rými og er pláss fyrir allt sem þarf. Bústaðurinn er málaður í fallegum litum að innan og er timburklæðning hvíttuð að hluta til. Rammar í kringum gluggana eru lakkaðir svartir ásamt innihurðum. Með bústaðnum fylgir gestahús. 

Bústaðurinn er málaður grár að utan og er með svörtum þakkanti og svörtum gluggum. Eins og sjá má á fasteignavef mbl.is er þetta einn krúttlegasti sumarbústaður landsins. 

Af fasteignavef mbl.is: Refsholt 4