Margrét og Andrés selja raðhúsið

Heimili | 2. júní 2023

Margrét og Andrés selja raðhúsið

Margrét Júlíana Sigurðardóttir og Andrés Magnússon hafa sett glæsilegt raðhús sitt á sölu. Margrét er framkvæmdastjóri Moombix og Andrés er fulltrúi ritstjóra á Morgunblaðinu.

Margrét og Andrés selja raðhúsið

Heimili | 2. júní 2023

Margrét Júlíana Sigurðardóttir og Andrés Magnússon.
Margrét Júlíana Sigurðardóttir og Andrés Magnússon. mbl.is/Árni Sæberg

Margrét Júlíana Sigurðardóttir og Andrés Magnússon hafa sett glæsilegt raðhús sitt á sölu. Margrét er framkvæmdastjóri Moombix og Andrés er fulltrúi ritstjóra á Morgunblaðinu.

Margrét Júlíana Sigurðardóttir og Andrés Magnússon hafa sett glæsilegt raðhús sitt á sölu. Margrét er framkvæmdastjóri Moombix og Andrés er fulltrúi ritstjóra á Morgunblaðinu.

Húsið var byggt 2021 og er 183 fm að stærð. Arnar Þór Jónsson hjá Arkís er aðalarkitekt hússins og er mikið lagt upp úr góðri hönnun. Hljóðvist er sérlega góð og allar innréttingar vandaðar. 

Húsið er byggt úr krosslímdum timbureiningum (CLT) í samstarfi við Element ehf. og framleiddar af KLH Massivholz í Austurríki og unnar úr sjálfbærum evrópskum skógum.
Húsið er loftræst með vélrænni loftræstingu. Um er að ræða umhverfisvænt og heilnæmt hús sérsniðið að þörfum fjölskyldufólks. 

Húsið er í Svansvottunarferli í samstarfi við Umhverfisstofnun og því þurfti að haga bæði hönnun og efnisvali með þeim hætti að kröfur umhverfisvottunar Svansins séu uppfylltar. Svanurinn er opinbert norrænt umhverfismerki og strangar kröfur vottunarinnar um lágmörkun umhverfisáhrifa eiga tryggja að Svansmerkt vara sé betri fyrir umhverfið og heilsuna án þess að fórna gæðum.  

Heimili Margrétar og Andrésar er smekklega innréttað eins og sést á fasteignavef mbl.is. 

Af fasteignavef mbl.is: Urriðaholtsstræti 44

mbl.is