Finnbjörn A. Hermannsson, forseti ASÍ, segir ummæli Ásgeirs Jónssonar í Morgunblaðinu í dag tala inn í fortíðina.

Ásgeir lýsti þeim skilningi sínum að launþegahreyfingin gerði kröfu um 2,5% launahækkun í komandi kjarasamningum eins og æðstu embættismenn þjóðarinnar hlutu nýverið.

Frétt af mbl.is

Segir ummæli seðlabankastjóra dæma sig sjálf

Hafa sem breiðasta samstöðu

„Við vorum að ætlast til að æðstu ráðamenn þjóðarinnar væru með sambærileg kjör og við sömdum um í desember. Við eigum hins vegar alfarið eftir að taka stöðuna um framtíðina, þannig að þetta hefur ekkert með það að gera,“ segir Finnbjörn í samtali við mbl.is.

Finnbjörn segist ekki ætla í neinn slag við bankann. Hlutverk ASÍ sé að halda uppi kaupmætti fyrir sitt fólk og Seðlabankinn hafi mörg þau tæki og tól sem geta hjálpað í þeirri baráttu.

„Það er ekki okkar ætlun að fara í einhvern slag við bankann, heldur að hafa sem breiðasta samstöðu um hvernig komandi kjarasamingar verða.“

Frétt af mbl.is

Aðalsteinn undrast trúnaðarbrest