Sigurður Ingi Jóhannsson innviðaráðherra hefur skipað stýrihóp um breytingar á byggingarreglugerð til loka árs 2024.

Þetta kemur fram í tilkynningu frá innviðaráðuneytinu.

Stýrihópurinn á að vinna tillögur um gagngerar breytingar á regluverkinu og einfalda umgjörð um byggingariðnað í því skyni að lækka byggingarkostnað og leggja grunn að stöðugleika á húsnæðismarkaði, að því er segir í tilkynningunni.

Hópurinn á að skila ráðherra tillögum að úrbótum haustið 2024.

Hópurinn er skipaður eftirtöldum:

• Ingveldur Sæmundsdóttir (formaður), innviðaráðuneyti
• Björn Karlsson, innviðaráðuneyti
• Hermann Jónasson, HMS
• Þóra Margrét Þorgeirsdóttir, HMS
• Arnar Þór Sævarsson, framkvæmdastjóri Sambands íslenskra sveitarfélaga
• Sigurður Hannesson, Samtök iðnaðarins

Með hópnum starfar Þórunn Lilja Vilbergsdóttir, lögfræðingur hjá HMS.