Gunnlaugur Helgason, betur þekktur sem Gulli Helga, og eiginkona hans Ágústa Valsdóttir fagna í dag 24 ára brúðkaupsafmæli sínu.

Hjónin eru um þessar mundir stödd í sólinni á Sikiley á Ítalíu þar sem þau hafa notið dagsins til hins ýtrasta. Ágústa birti fallega færslu á Facebook í tilefni dagsins.

„Trúlofuð þessum í 25 ár í dag og gift honum í 24 ár í dag. Lífið er svo óendanlega gott og gefandi með mínum betri helming. Erum í skemmtilegu verkefni á Sikiley en tókum frí í dag. Elska þig út fyrir endamörk alheimsins elsku Gulli minn,“ skrifaði hún.

Smartland óskar þeim til hamingju með ástina!