Flugfreyjan Kristín Þóra Jónsdóttir hefur sett íbúð sína við Hverfisgötu í Reykjavík á sölu. Íbúðin er 122 fm að stærð og er í fjölbýlishúsi sem reist var árið 2018.

Kristín Þóra bjó áður í sögufrægu einbýlishúsi við Miðstræti sem reist var árið 1909, en húsið hefur nokkrum sinnum verið til umfjöllunar á Smartlandi. 

Frétt af mbl.is

Kristín Þóra selur sögufrægt hús

Litagleði og falleg mynstur

Íbúðin hefur verið innréttuð á sjarmerandi máta þar sem kröftugir litir og skemmtileg mynstur fá að njóta sín í bland við náttúrulegri tóna og áferð.

Eldhús, stofa og borðstofa eru samliggjandi í björtu alrými með gólfsíðum gluggum. Í eldhúsi er stílhrein svartbæsuð innrétting og stór eyja með góðu vinnu- og skápaplássi, en þaðan er útgengt á snyrtilegar svalir til norðurs. Þá gefa litrík málverk rýminu skemmtilegan karakter. 

Eignin státar af tveimur svefnherbergjum og einu baðherbergi. Í hjónaherberginu má sjá skemmtilegt veggfóður sem gefur rýminu rómantíska stemningu. Veggfóður prýðir einnig vegg í minna svefnherberginu, en þar hefur töfrandi veggfóðri með bláum blómum verið komið fyrir.

Sjá á fasteignavef mbl.is: Hverfisgata 94