Íslandsvinurinn og Disney-stjarnan, Dylan Sprouse, kvæntist fyrirsætunni Barböru Palvin í leynilegri athöfn yfir helgina. Brúðkaupið fór fram í lítilli kirkju í heimalandi Palvin, Ungverjalandi. 

Frétt af mbl.is

Íslandsvinur fór á skeljarnar

Myndir frá athöfninni birtust á samfélagsmiðlinum Twitter, en þar sjást Sprouse og Palvin ganga saman niður kirkjugólfið eftir að hafa játast hvort öðru. Á myndinni sést einnig glitta í tvíburabróður Sprouse, Cole Sprouse, en hann sinnti hlutverki svaramanns. 

Sprouse bað fyrirsætunnar í mars á þessu ári eftir fimm ára samband, en leikarinn sendi Palvin einkaskilaboð á samfélagsmiðlum.