Síðasta árið hefur raunverð íbúða á höfuðborgarsvæðinu lækkað um 5,7% ef miðað er við vísitölu neysluverðs.

Í fyrsta sinn síðan árið 2014 mælist raunverðslækkun á íbúðum í nágrenni höfuðborgarsvæðisins.

Þetta kemur fram í mánaðarskýrslu hagdeildar Húsnæðis- og mannvirkjastofnunar. 

„Vísitala íbúðaverðs á höfuðborgarsvæðinu lækkaði um 1,1% í júní. Lækkun á fjölbýli og sérbýli var rétt um 1%. Í nágrenni höfuðborgarsvæðisins lækkaði verð um 2,1% og annars staðar á landsbyggðinni um 0,5%,“ segir í skýrslunni.

Raunverð hefur hækkað síðustu mánuði annars staðar en á landsbyggðinni en bent er á í skýrslu Húsnæðis- og mannvirkjastofnunar að hækkun íbúðaverðs var nokkuð minni á árunum 2020-2022 á landsbyggðinni heldur en á höfuðborgarsvæðinu og í nágrenni þess.

Frétt af mbl.is

Árshækkun leigu 11,2%

Hlutfallið ekki lægra frá árinu 1997

Þá hefur hlutfall veðsetningar íbúðalána af fasteignum heimila ekki verið lægra frá árinu 1997, en tölur Hagstofunnar ná ekki lengra aftur. Hlutfallið var 27% um síðustu áramót.

Íbúar á Íslandi gætu orðið 400.000 í lok ársins en íbúum hefur fjölgað mest í nágrenni höfuðborgarsvæðisins.