Við Mávahlíð í Reykjavík er að finna afar sjarmerandi og bjarta sérhæð í fallegu fjölbýlishúsi sem reist var árið 1947. Eignin hefur verið innréttuð á fallegan máta þar sem mjúkir og hlýlegir tónar spila lykilhlutverk og skapa notalega stemningu. 

Hlýlegur ljósbrúnn litur prýðir veggi íbúðarinnar og setur tóninn, en náttúruleg litapalletta er áberandi í húsmunum. Í stofunni er stór og sérlega fallegur gluggi sem hleypir mikilli birtu inn. Vitra-sófaborðið setur svip sinn á rýmið, en borðið hannaði Isamu Noguchi árið 1944. 

Mynstraðar flísar sem skapa karakter

Frá stofu er gengið inn í borðstofu um tvöfalda glerhurð, en rýmið er rúmgott og þar ræður einfaldleikinn ríkjum. 

Í eldhúsi og á baðherbergi hefur skemmtilegum mynstruðum flísum verið komið fyrir til móts við hinar klassísku „subway-flísar“ sem standa alltaf fyrir sínu. Flísarnar búa til áhugaverðan kontrast við hlýlega jarðliti íbúðarinnar en eru um leið stílhreinar og tímalausar. 

Sjá á fasteignavef mbl.is: Mávahlíð 35