Á fast­eigna­vef mbl.is er að finna úr­val af fal­leg­um íbúðum í miðbæ Reykjavíkur. Þar á meðal eru nokkrar penthouse-íbúðir.

Smart­land tók sam­an þrjár dýr­ustu penthouse-íbúðirnar í miðbænum.

Vatnsstígur 19

Í Skuggahverfinu er til sölu lúxus penthouse-íbúð með góðu sjávarútsýni. Íbúðin er 188,5 fm að stærð og skiptist niður í þrjú svefnherbergi og tvö baðherbergi. Út frá stofu og tveimur svefnherbergjum er útgangur á svalir sem vísa í vestur. Þakgarður er á efri hæð eignarinnar sem vísar í suður. 

Ásett verð er 250 milljónir.

Sjá á fasteignavef mbl.is: Vatnsstígur 19

Vatnsstígur 19. Samsett mynd

Hverfisgata 92b

 Á Hverfisgötunni er til sölu glæsileg penthouse-íbúð á fimmtu hæð í nýju fjölbýlishúsi. Íbúðin er 146 fm að stærð og í henni eru þrjú svefnherbergi, tvö baðherbergi og tvær stofur. Mikil lofthæð er í íbúðinni og íbúðin sú eina á þessari hæð. Með íbúðinni fylgja 19,4 fm svalir sem snúa í suðvestur. Tvö bílastæði í bílakjallara fylgja íbúðinni. 

Ásett verð er 159 milljónir.

Sjá á fasteignavef mbl.is: Hverfisgata 92b

Hverfisgata 92b. Samsett mynd

Laugavegur 27a

Í nýju lyftuhúsi við Laugaveginn er glæsileg penthouse-íbúð á tveimur hæðum til sölu. Íbúðin er 102 fm að stærð og í henni eru tvö svefnherbergi og eitt baðherbergi. Tvennar þaksvalir fylgja íbúðinni, samtals 62,1 fm að stærð. Íbúðinni fylgir rúmgott bílastæði í bílastæðahúsi, þar sem búið er að setja upp lagnir svo hægt sé að setja upp hleðslustöð fyrir rafmagnsbíl. Möguleiki er á því að bæta við þriðja svefnherberginu í laufskála á efri hæðinni.

Ásett verð er 118 milljónir.

Sjá á fasteignavef mbl.is: Laugavegur 27a

Laugavegur 27a. Samsett mynd