Sólin skein og allt var eins og best var á kosið þegar árlegt golfmót Lands­sam­bands sjálf­stæðis­k­venna fór fram á dögunum. Golfmótið var haldið á Ham­arsvelli í Borg­ar­nesi.

Ragnhildur Sigurðardóttir, margfaldur Íslandsmeistari í golfi, var mótstjóri og hélt uppi stuðinu en hátt í 80 konur voru skráðar til leiks. Spilað var í tveimur forgjafaflokkum og kepptu kylfingar meðal annars um Sjálfstæðissleggjuna og Fálkadrottninguna. Þá voru einnig veitt nándarverðlaun og verðlaun fyrir fæst högg. Guðrún Hafsteinsdóttir, dómsmálaráðherra, var heiðursgestur að móti loknu. 

Sjálfstæðissleggjan var Bergljót Þorsteinsdóttir, Fálkadrottning var Ragnheiður K. Guðmundsdóttir og Sólveig Lilja Einarsdóttir var með besta skorið.

Eins og sést á myndunum var gleði og glaumur í forgrunni.