Athafnakonurnar og áhrifavaldarnir, Sólrún Diego, Sara Lind Páls­dótt­ir, Lína Birgitta Sig­urðardótt­ir og Guðríður Jóns­dótt­ir, skelltu sér í vinkonu- og vinnuferð til Barcelona á dögunum. Þær eru allar mikið fyrir merkjavörur og hafa í gegnum tíðina sést með dýrar töskur. Þessi ferð var engin undantekning þar sem töskusafn vinkvennanna kostaði verulegar fjárhæðir. Franska tískuhúsið Louis Vuitton á augljóslega upp á pallborðið hjá þeim vinkonum þar sem vel merktar mónógram-töskur frá tískuhúsinu voru með í för.

Sara Lind og Lína Birgitta með töskurnar í forgrunni. Skjáskot/Instagram

Sólrún með 345.000 kr. tösku! 

Sólrún Diego, sem tók nýlega við starfi í markaðsdeild Kringlunnar, birti mynd  af sér með tösku frá Louis Vuitton. Taskan er með mónógram-munstri tískuhússins sem þykir eftirsótt. Taskan er með nokkrum böndum og hægt að nýta á ýmsa vegu. Eins tösku er hægt að fá á heimasíðu Louis Vuitton og heitir hún Pochette Métis East West Bag. Á heimasíðunni er hún fáanleg fyrir 2.400 evrur eða um 345 þúsund íslenskar krónur. 

Pochette Métis East West Bag frá Louis Vuitton.

Sara Lind með 120.000 kr. tösku! 

Sara Lind, eða Sara í Júník, er líka með tösku frá Louis Vuitton í ferðinni. Sara er ein mesta skvísa landsins og er hún auðvitað með skvísulega tösku sem þarf að halda á undir hendinni. Rétt eins og taska Sólrúnar er taska Söru í klassíska Louis Vuitton-mynstrinu. Á heimasíðu Louis Vuitton er taskan Poche Toilette NM Toiletry Bag fáanleg fyrir 850 evrur eða fyrir rúmlega 120 þúsund íslenskar krónur. 

Sara Lind með skvísutösku. Skjáskot/Instagram

Poche Toilette NM Toiletry Bag frá Louis Vuitton.

Lína Birgitta með 500.000 kr. tösku! 

Þriðja vinkonan, athafnakonan Lína Birgitta, er með tösku frá ítalska tískuhúsinu Fendi. Sú taska er með hinu klassíska Fendi-mynstri þar sem tvö eff mætast á grafískan hátt. Hún er, líkt og taska Sólrúnar, þægileg á þann hátt að það er hægt að bera hana á mismunandi vegu. Á vef Fendi má finna töskuna Baguette Jacquard FF fabric bag sem er eins taska og Lína Birgitta er með. Sú taska kostar á vef Fendi 3.750 Bandaríkjadali eða í kringum hálfa milljón íslenskra króna. 

Lína Birgitta með Fendi-tösku í Barcelona. Skjáskot/Instagram

Baguette Jacquard FF fabric frá Fendi.

Gurrý „flexaði“ ekki! 

Það voru þó ekki allar vinkonurnar með töskusýningu í Barcelona því snyrtifræðingurinn Guðríður Jóns­dótt­ir, eða Gurrý Jóns, var lítið að sveifla sinni tösku. Hún hefur þó oft sést með töskur af dýrari gerðinni.