Albert fursti af Mónakó og Charlene prinsessa hafa nú tjáð sig um líf sitt saman í fyrsta skipti síðan hávær orðrómur fór á kreik um að hjónaband þeirra væri bara upp á punt.

Sögusagnirnar um hjónabandið hafa farið fyrir brjóstið á Alberti fursta og hefur hann tjáð sig um hjónabandið í ítölskum fjölmiðlum.

„Charlene er alltaf við hlið mér. Ég skil ekki þennan orðróm og hann særir mig. Það að hún búi annars staðar, í Sviss, og að það þurfi að bóka tíma til þess að hittast. Þetta eru lygar,“ segir Albert.

Í viðtali við Monaco-Matin segist Charlene vera mun orkumeiri en hún glímdi við erfið veikindi um langa hríð. 

„Ég er hamingjusöm og yfirveguð. Ég fer reglulega í göngutúra og vonast til þess að geta byrjað að æfa aftur sund til þess að byggja upp krafta og þol að nýju,“ segir Charlene í viðtalinu en annars vill hún ekki tjá sig sérstaklega um hjónabandið og vonast til þess að fólk verði á endanum þreytt á sögunum.

Frétt af mbl.is

Prinsessan horfin af samfélagsmiðlum

Frétt af mbl.is

Prinsessan lét sjá sig eftir langa fjarveru

Charlene prinsessa og Albert fursti af Mónakó saman á rugby leik fyrir skömmu. AFP

Charlene prinsessa af Mónakó segist vera hamingjusöm. AFP

Albert fursti blæs á allar sögur um að hjónaband þeirra sé eitt stórt leikrit. AFP